“Дордой” базарынын жака белиндеги Ак-Бата, Ак-Жар, Дордой-2 сыяктуу конуш жашоочуларынын басымдуусу жакыр жашагандыктан базар менен эптеп күн көрүшөт. Алар шаар башчысы ким болгонунан деле кабарсыз, ар ким өз тиричилиги менен алек. Кышкысын тамтыгы чыккан жол, үлүрөйгөн жарык жана отун-суунун тартыштыгы ого бетер кыйнайт. Конуш балдарынын каникул учурундагы жалгыз эрмеги муз тебүү.
