“Азыр шахтадагы ишканалардын көпчүлүгү ишин токтоткон, - деди “Азаттыкка” ысымын атабоону өтүнгөн ишкерлердин бири. - Биз өзүбүздө өндүрүлгөн көмүрдүн 90% Тажикстанга экспортточубуз. Азыр чек ара жабылгандан бери аны алып бара албай калдык, иш дээрлик токтоп турат. Анча-мынча аткезчилик менен баргандары гана алып барышпаса, өндүрүш жок”, - деди сүлүктүлүк ишкер.
Лейлектин Исфана шаарындагы айрым тургундар да “Азаттыкка” сүйлөп, базарда, дүкөндөрдө Тажикстандын Хужанд шаарынан алынып келинчү товарлар түгөнүп, тамак-аш кымбаттаганын айтышты.
Исфанадагы борбордук базардын башчысы Кадыр Орозбаев болсо базарда тамак-аш тартыштыгы жок экенин, товарлар Бишкектен ташылып жатканын айтты.
- Тажикстандан чыга турган нерселер гана, маселен, чөп-чар, помидор, бадырың, бир аз кымбаттаган. Анткени аларды өстүрө турган теплицалар негизинен Хужандда, Пролетарскиде жайгашкан экен. Эч кандай деле паника жок, керектүү азык-түлүк жетиштүү, - деди Орозбаев.
Кыргыз-тажик чек арасындагы өткөрмө бекеттердин баары 11-январда эки өлкөнүн чек арачыларынын ортосунда тутанган атышуудан кийин жабылган. Алар качан ачылаары белгисиз. (TD)
Лейлектин Исфана шаарындагы айрым тургундар да “Азаттыкка” сүйлөп, базарда, дүкөндөрдө Тажикстандын Хужанд шаарынан алынып келинчү товарлар түгөнүп, тамак-аш кымбаттаганын айтышты.
Исфанадагы борбордук базардын башчысы Кадыр Орозбаев болсо базарда тамак-аш тартыштыгы жок экенин, товарлар Бишкектен ташылып жатканын айтты.
- Тажикстандан чыга турган нерселер гана, маселен, чөп-чар, помидор, бадырың, бир аз кымбаттаган. Анткени аларды өстүрө турган теплицалар негизинен Хужандда, Пролетарскиде жайгашкан экен. Эч кандай деле паника жок, керектүү азык-түлүк жетиштүү, - деди Орозбаев.
Кыргыз-тажик чек арасындагы өткөрмө бекеттердин баары 11-январда эки өлкөнүн чек арачыларынын ортосунда тутанган атышуудан кийин жабылган. Алар качан ачылаары белгисиз. (TD)