Жогорураак деңгээлдеги кыргыз-тажик сүйлөшүүсү белгилене элек

Кыргыз-тажик чек арасы боюнча жакын арада вице-премьер-министрлер деңгээлинде жолугушуу белгиленген жок. Бул тууралуу вице-премьер-министр Токон Мамытов 19-январда маалымдады. Азыркы кезде кыргыз-тажик чек арасында өткөрмө бекеттер толук жабык турат. Кыргызстан аймагында Тажикстандын жүктөрү топтолуп калгандыгы маалымдалууда.

Кыргыз-тажик чек арасында кырдаал 11-январда Баткен районунун Ак-Сай айылындагы куралдуу кагылышуудан кийин курчуп, Кыргызстан улут аралык араздашууларга жол бербеш үчүн жолдорду жапкан эле. (AiT)