Уурдалган аскердик кийим боюнча тергөө уланууда

Коргоо министрлигинин Кант шаарындагы бөлүгүнөн аскердик кийим-кеченин уурдалганы боюнча үч кылмыш иш козголду. Бул тууралуу бүгүн "Азаттыкка" аскер прокурору Марат Эшперов билдирди. Анын айтымында, учурда тергөө жүрүп жатат, келтирилген зыяндын суммасы, алдын ала эсептөө боюнча, 16 миллион сомду түздү.

Айрым маалыматтар боюнча, Жаматтык коопсуздук келишим уюмунун ыкчам тобунун аскерлери үчүн деп Орусия жөнөткөн форма уурдалган. (EBM/RK)