Бишкекте Бангладештин ардактуу консулдугу ачылат

Кыргызстан менен Бангладештин ортосундагы соода-экономикалык алакаларды өнүктүрүү максатында расмий Дакка Бишкекте ардактуу консулдук ачат. Бул тууралуу Кыргызстандын Соода-өндүрүш палатасы кабарлады.

Бангла элчиси Мосуд Маннан эки өлкөнүн ишкерлери арасында өнөктөштүктү өркүндөтүү эки мамлекетке тең пайдалуу болоорун эскертти.

Кезегинде Соода-өндүрүш палатасынын вице-президенти Рима Апасова Кыргызстан жана Бангладештин соода палаталары кызматташуу келишимине кол коюуну тездетүү зарылдыгын белгиледи. (BAz)