Украинада он миңдеген киши демонстрацияга чыкты

Оппозиция түштөн кийинге уюштурулган демонстрацияга 50 миң киши келгенин айтууда. Оппозиция лидери Виталий Кличко анда президенттин бийлигин чектөөчү конституциялык реформаны тез арада өткөрүүгө чакырды.

Жекшембиде ошондой эле коопсуздук кызматтары Украинада терроризм коркунучу күч алгандыгын эскертти. Эл аралык аба бекеттери, поезд, автобус бекеттери жана электр өндүрүүчү ишканалар айрыкча коркунучта экендигин белгилеген бул кызматтар мамлекеттик имараттарды басып алуу да терроризм катары каралаарын кошумчалады.