Бубка Украинаны зордукчулуктан баш тартууга чакырды

Украинанын Улуттук Олимпиада комитетинин президенти Сергей Бубка өлкө катастрофанын кырында экендигин эскертти. Ал эми эл аралык Олимпиада комитетинин пресс-катчысы Марк Адамс Киевдеги кырдаал боюнча кабарчылардын суроолоруна жооп берди.

- Украина үчүн бул жүрөктүн үшүн алган көрүнүш. Олимпиадалык элдешүү биз үчүн маанилүү символ болуп саналат. Кырдаал тез арада жөнгөрүлүп, башка кан төгүлбөйт деп үмүттөнөбүз,- деди ал.

Бүгүн Бишкекте укук коргоочулар Бириккен Улуттар Уюмун украин бийлиги менен оппозицияны элдештирүүгө чакырышкан эле.