Киевдеги окуяларда жабыркагандардын арасында кыргызстандыктар жок

Бул тууралуу билдирген Кыргызстандын Тышкы иштер министрлиги Украинада жүргөн, же ал жакка барууну көздөгөн кыргыз жарандарына кайрылып, Киевдеги нааразылык акциялары активдүү жүрүп жаткан жерлерден алыс болууга үндөдү. Ошондой эле кандайдыр бир татаал жагдай түзүлүп калса, Киевдеги Кыргызстан элчилигине кайрылууну сунуштады.

Украинада бийлик өкүлдөрү менен оппозиция тарапкерлеринин ортосундагы соңку тирешүүлөрдөн 26 киши каза таап, жүздөгөн адам жаракат алган. (AiT)