Ооганстандын түштүгүндөгү Орузган вилоятында жанкечтинин жардыруусунан кеминде сегиз киши мүрт кетти. Шейшембидеги чабуул провинциянын борборундагы мейманкананын алдында болгон. Өлгөндөрдүн арасында жайкын тургундар да бар. Ушул эле күнү Хелманддагы Маржа районунда жардыруудан үч адам набыт болгону, дагы үчөө жаракат алганы айтылды. Бул эки чабуулдун артында кимдер тураары белгисиз.
