Пакистандын түндүк-батыш аймагында балдардын шал оорусуна каршы эмдөө жүргүзгөн топту коштогон 11 полициячы кол салуулардан мерт кетти. Расмий маалыматка ылайык, көптөгөн киши жарадар болду. Биринчи бомба Жамруд шаарынын жанындагы кыштактын жолуна коюлган. Көп узабай жарадар болгондорду ташып бараткан полиция машинелери бомбага кабылды. Аман калган тартип коргоочулар болсо куралчан адамдардын чабуулуна туш болушту. Салгылашуу бир нече саатка созулду.
