Сүргүндөгү уйгур активисти Бээжинди уйгур азчылыгын жаманатты кылбоого чакырды. Уйгурлардын укугун талашкан уюмдун жетекчиси Кунмиң шаарында темир жол бекетинде канжар менен куралданган адамдардын 29 кишини бычактап өлтүргөнүн катуу айыптады. Ошол эле убакта Мюнхенде жайгашкан Дүйнөлүк Уйгур курултайынын президенти Рабия Кадыр бүт уйгур азчылыгын «мамлекеттин душманы» деп жаманатты кылбоого чакырды. Дагы 150гө чукул адам жараат алган ишембидеги кол салуу үчүн Кытай бийликтери уйгур сепаратисттерин күнөөлөгөн.
