Өкмөттүн маалымат катчысы Мелис Эржигитовдун билдирүүсүнө караганда, бүгүн 5-мартта өкмөт быйылкы жыл ичинде аткарыла турган өлкөдөгү энергетикалык долбоорлорду карайт. Алардын ичинде "Датка-Кемин" электр зымын тартуу, Бишкек жылуулук борборун жана Токтогул ГЭСин модернизациялоо сыяктуу долбоорлор бар. Өкмөт быйылкы жылы 1 млрд. доллар инвестиция тартууну көздөөдө. Анын көпчүлүк бөлүгү энергетика тармагына тартылмакчы. (AiT)
