Айылдык сүрөтчү Болотбек Жумакановдун көргөзмөсү улуттук Көркөм сүрөт музейинде өтүп жатат. Элеттик сүрөтчү карыя өмүр бою көл өрөөнүндө жашап келатат. Азыр жашы 75те. Ал табият сулуулугу менен элеттиктердин жашоосун май боёкторго эң бир сонун чөгөргөн. Анын бир нече картинасы Союз кезинде эле Москвада эки-үч жолу көргөзмөгө коюлуп, айрым чет өлкөлөргө да чыгарылган экен. Болотбек Жумаканов Сүрөтчүлөр кошуунунун мүчөсү. Жакында Арабияда өтчү көргөзмөгө катышаарын айтты. (ATe)
