БУУнун Балдар фонду 10-мартта жарыялаган иликтөөдө өткөн бир жылда Сириядагы жарандык согуштан жабыркаган балдардын саны эки эсеге көбөйгөн жана жүз миңдеген сириялык балдар камоодогу шаарларда отурушат. ЮНИСЕФтин иликтөөсүндө үч жылдан берки согушта кеминде 10 миң баланын өмүрү кыйылганы белгиленет, бирок курман болгон балдардын саны алда канча көп деп боолгонот. Докладда ошондой эле 2 миллиондой бала түрдүү психикалык дарылоого муктаж экени, согуш жалпысынан 5,5 миллиондой балага таасир эткени көрсөтүлөт.
