Бул тууралуу "Азаттыкка" Ош милициясынын маалымат катчысы Жеңиш Ашырбаев билдирди.
- Диний экстремисттик уюмдар Сириядагы окуядан кийин Ош аймагында активдеше баштаганы байкалган. Мурда алар баракча, диск таратып келген болсо, учурда интернет аркылуу активдешип жатат. Уюлдук телефон, фейсбук, агент аркылуу ар кандай экстремисттик маанайдагы маалыматтарды жөнөткөн учурлары жашыруун эмес, - деди Ашырбаев.
Бул маалымат бүгүн Ошто диний жагдайды талкуулаган жыйында да талкууланды. (ErN)
