Путин Крым кризисине Орусия айыптуу эмес деп эсептейт

Орус президенти бул тууралуу бүгүн Сочиде өтүп жаткан Паралимпиадага келген спортчулар менен жолугуп жатып айтты.

Путиндин ырастоосунда, Орусия “учурда жаралган шарт – жагдайлардын демилгечиси эмес”.

Алдыдагы жекшемби күнү (16-мартта) Орусияга кошулуу боюнча референдум өткөргөнү турган Крымды азыр орус аскерлери ээлеп турат. Украина жана Батыш өлкөлөрү бул үчүн Орусияны күнөөлөп, референдумду мыйзамсыз деп аташууда.

Орусия бийлиги болсо Украинанын жаңы бийлигин Крымда жашаган орустарды жана орус тилдүүлөрдү коркутууда деп айыптоодо. (UE)