Кошмо Штаттардын президенти Барак Обама дүйшөмбү күнү Палестина бийлигинин башчысы Махмуд Аббас менен Вашингтондо сүйлөшүү жүргүзөт. Эки жума мурун Обама Израил өкмөт башчысы Биньямин Нетанияху менен жолуккан. Кошмо Штаттар апрель айынын соңуна чейин эки тарапты келишимге алып келүүгө аракеттенүүдө. Анткени 29-апрелде сүйлөшүүгө бөлүнгөн мөөнөт аяктайт. Өткөн жылы июль айында башталган сүйлөшүүлөрдөн натыйжа чыкканы маалымдала элек. Израил жана Палестина Иерусалимдин статусу, чек арадагы коопсуздук, палестин качкындарынын кайтып келүүсү, палестин жерине жайгашкан жөөт тургундары жана башка орчун маселелер боюнча бир пикирге келе алышпай жатат. (AiT)
