Фракциянын лидери Чыныбай Турсунбековдун билдирүүсүнө караганда, Кемин районундагы Талды-Булак - Сол-Жээк алтын кенин иштетүүгө киришип жаткан “Алтынкен” компаниясынын ишин фракция ушул жумада өкмөттүн катышуусу менен талкуулайт. Фракциянын депутаттары жакында Орловка шаарында болуп, компаниянын иши менен таанышып келишти. Орловка шаардык кеңештин депутаты Замир Бейшеналиевдин айтымында, компания комбинатты курууда экологиялык талаптарды аткарбай жатат жана жергиликтүү калктын кызыкчылыгы бузулган фактылар орун алууда. (AiT)
