Кербен шаарында "Хизб-ут Тахрир" уюмуна үндөп жүргөндөр кармалганын облустук милиция кабарлоодо. Кыргызстанда тыюу салынган бул уюмга байланыштуу 200 китеп жана 300 журнал жергиликтүү үч тургундун үйлөрүнөн табылган. Алар, милициянын айтымында, он чакты кишини чогултуп, үгүт иштерин жүргүзүп жаткан. Ушундай эле ишмердүүлүк менен алектенген Базар-Коргон районунун бир тургунунан 36 даана түрдүү адабият табылган. (YA)
