Ооган президенти Хамид Карзай Мухаммед Юнус Канунини өлкөнүн вице-президенттигине сунуштады. Бул кызматты буга чейин ээлеп келген Мухаммед Касым Фахим 9-мартта каза болгон. Чечим Ооганстандын жогорку кызматтагы жетекчилеринин жана маркум Фахимдин туугандарынын катышуусунда өткөн жыйында кабыл алынды. Жакын арада бул сунуш парламентте талкууланат. Кануни Жамаат-э-Ислам партиясынын лидерлеринин бири. Ал 1996-2001-жылдары Түндүк альянстын талибдерге каршы күрөшүндө Фахимдин жакын союздашы болгон. (RK)
