Бириккен Улуттар Уюмунун баш катчысы Пан Ги Мун бүгүн Москвада орус президенти Владимир Путин менен жолугат. Андан кийин жума күнү украин жетекчилиги менен кырдаалды жөнгөрүү боюнча сүйлөшүү өткөрөт. Бул арада Британиянын өкмөт башчысы Дэвид Кэмерон Орусия Крымдан кийин да Украинага каршы аракетин токтотпосо, "Чоң сегиздиктин" курамынан биротоло чыгарыларын эскертти. Вильнюста шаршемби күнү сүйлөгөн сөзүндө АКШнын вице-президенти Жо Байден Орусия изоляциянын “караңгы жолуна” түшүп алды деп билдирди. Кошмо Штаттар жана Европа Биримдиги Крымды аннексиялоону айыптап, аны “жер басып” алуу катары баалашты. (AiT)
