Атамбаев Казакстанга иш сапар менен барат

Президент Алмазбек Атамбаев бүгүн иш сапары менен Казакстанга барат. Бул тууралуу президенттин маалымат кызматынан кабарлашты. Алматы шаарында казак президенти Нурсултан Назарбаев менен жолугушуу өтүп, эки өлкө ортосундагы кызматташтыктын орчундуу маселелери талкууланат.

Учурда кыргыз-казак саясый диалогундагы негизги маселелердин бири Бажы биримдиги боюнча Кыргызстандын позициясын тактоо болууда. (BkA)