Түндүк Корея орто аралыкка учуучу баллистикалык эки ракетасын сынады. Бул тууралуу Түштүк Кореянын маалымат каражаттары кабарлашууда. Маалыматтарга караганда, Чыгыш деңизге учурулган ракеталар 650 км. алыска учкан. Бул сыноо эл аралык бир катар резолюцияларды бузуу болуп саналат. АКШнын Мамлекеттик департаменти Пхеньяндын бул кадамын “провокациялык жана кооптонткон эскалация” деп сыпаттап, өнөктөштөр жана Улуттар уюмунун Коопсуздук кеңеши менен бирге “тиешелүү чара көрүүнүн” үстүнөн иштеп жатканын билдирди.
