Бишкекте бүгүн жапон кинофестивалы жыйынтыкталат

Жапон режиссерлорунун тандалган тасмаларынын негизинде Бишкекте өтүп жаткан кинофестивал бүгүн жыйынтыкталат. Анын программасына ылайык, кыргызстандыктарга мыкты беш кино көрсөтүү мерчемделген.

Жапониянын Кыргызстандагы элчилигинен кабарлашкандай, тасмалар 25-марттан бери борбордогу “Октябрь” кинотеатрында тартууланууда.

Кинофестивалдар кыргыз-жапон маданий кызматташтыгынын бир багыты болуп эсептелет. Жапониянын Эл аралык өнүгүү агенттиги (JICA) аркылуу түрдүү маданий программалар ишке ашырылып келет. (SE)