Ошто каттоосуз паспорт алуу мүмкүнчүлүгү түзүлдү

Бул тууралуу Ош шаардык паспорт-визалык каттоо бөлүмүнүн жетекчиси Ринат Алиев “Азаттыкка” билдирди. Мындан ары Ош шаарында жашап, иштеп жүргөн жарандар каттоосу башка облустан болгондугуна карабай жеңилдетилген тартипте паспорт ала алышат. Адистин айтымында, бул жараян пилоттук негизде бир жылга ачылган.

Буга чейин Кыргызстандын жарандарында каттоосуна карабай бир эле Бишкек шаарында паспорт алуу мүмкүнчүлүгү бар эле. (SA/YI)