Иран Хамид Абуталебини Бириккен улуттар уюмундагы элчиси кылып дайындоону көздөөдө. Бирок Вашингтон ага виза ача элек. Хамид Абуталеби 1979-жылы Тегеранда АКШнын элчилигин камалоого жана дипломаттарын барымтага алууга катышкан деп айыпталууда. Тажрыйбалуу дипломат Абуталеби 1979-жылкы окуяда котормочу кызматын гана аткарганын, барымтага алуу жана баскынчылык ишке аралашпаганын билдирүүдө. Тегеранда барымтага алынган бир катар америка жарандары Хамид Абуталебиге виза ачпоо талабын коюуда. (AiT)