Президенттин маалымат кызматынын кабарлоосуна караганда, бүгүн мамлекет башчысы Алмазбек Атамбаев АКШнын мамлекеттик катчысынын Түштүк жана Борбордук Азия боюнча жардамчысы Ниша Бисвал айымды кабыл алат. Жолугушууда эки тараптуу кызматташуулар жана регионалдык коопсуздукка байланыштуу маселелер талкууланат. 3-апрелде Ниша Бисвал маалымат жыйынын өткөрүп, өз сапары жана кыргыз-америка кызматташуусунун келечеги тууралуу айтып берет. Мамлекеттик катчынын Түштүк жана Борбордук Азия боюнча жардамчысынын Кыргызстанда 4-апрелге чейин болору кабарланган. (AiT)
