Бисвал: АКШ чек ара маселесинде күч колдонууга каршы

АКШ өкмөтү чек ара маселесин чечүүдө күч колдонууга каршы. Бул тууралуу бүгүн Бишкекте маалымат жыйынында АКШнын Мамлекеттик катчысынын Түштүк жана Борбор Азия боюнча жардамчысы Ниша Бисвал билдирди. Ал ошондой эле Украинадагы соңку окуяларга байланыштуу коомчулукта көп суроо жаралып жатканын, бирок АКШ Кыргызстандын аймактык биримдигин жана суверенитетин колдоорун кошумчалады.

Бисвал айымдын айтымында, аймакта экономикалык интеграция өтө чоң мааниге ээ жана бул багытта АКШ өкмөтү жардам берүүгө даяр. (RK)