Украина: Луганскта эки киши жарадар, Харковдо кагылыш болду

Өлкөнүн чыгышында жайгашкан Лугански шаарында демонстранттар Украинанын коопсуздук күчтөрүнүн кеңсесине кирип келишти.

Украинадагы көз карандысыз УНИАН кабар агенттиги билдиргендей, коопсуздук кызматтардын штаб-квартирасынын сыртындагы кагылышта бир аял демонстрант жана тартип коргоочу офицер жараат алды.

Ал арада Харьковдо жикчилдикке каршы демонстрация өттү.

Украинанын маалымат каражаттары билдиргендей, демонстрациянын мезгилинде орусиячыл топтор менен кагылышуу болду.

Бул акциялар Орусиянын куралдуу күчтөрү Украинанын чыгыш чек арасына көп санда жайгаштырылган маалга туура келүүдө.