Бүгүн, 8-апрелде футбол боюнча Кыргызстандын былтыркы чемпиону, Ош шаарынын “Алай” командасы Азия футбол конфедерациясынын кубогунун алкагында кезектеги беттешүүсүн Бахрейн өлкөсүндө өткөрөт. Бул тууралуу “Азаттыкка” федерациянын башкы катчысы Дастан Конокбаев маалымдады. “Бахрейндин чемпиону “Аль-Риффа” командасы менен беттешүү Манама шаарындагы Улуттук стадиондо Бишкек убактысы боюнча кечки саат 9да башталат. Бул эки команданын биринчи таймашы 26-февралда Ош шаарында өтүп, эсеп ачылбай, оюн 0:0 болуп аяктаган. (КМа)
