Москва облусунун полициясы Өзбекстандын жарандары (аял менен эркек) 18 айлык уулун жана жаңы эле төрөлгөн кызын 1 млн. рублга (28 миң 100 АКШ доллары) сатууга аракет кылган деп камады. Тергөө комитетинин расмий өкүлү бүгүн журналисттерге билдиргендей, бул түгөйдү кечээ Видное шаарчасында кармашкан. Сот күнөөлүү деп тапса, алар 10 жылга чейин түрмөгө отургузулушу мүмкүн. Февралда Санкт-Петербург шаарында бир өзбек аял өзүнүн жаңы төрөлгөн ымыркайын 80 миң рублга (2250 АКШ доллары) сатууга далалаттанган деп камалган болчу.
