Украинадагы cаясый кырдаалды деэскалациялоо үчүн Украинанын өкмөтүн “мыйзамдаштыруу” аракетин токтотуу зарыл. Бул тууралуу айткан Орусиянын тышкы иштер министри Сергей Лавров 11-апрелде Москвада жасаган билдирүүсүндө Украинадагы кризисти жөнгөрүү үчүн өлкөнүн бейтараптуулугу жөнүндө мыйзамдуу кепилдик да зарыл деди. Анын айтымында, Орусия келерки аптадагы АКШ, Евробиримдик жана Украина менен болчу төрт жактуу сүйлөшүүгө даяр. Бул сүйлөшүүдө ошондой эле Украинанын Москва алдындагы газ карызы да талкууланышы абзел. "Украинанын Конституциясына “косметикалык эмес” олуттуу өзгөртүү киргизилиши шарт" деп кошумчалады Лавров.
