Кечээ 13-апрелде Токтогул шаардык кеңешине шайлоо болуп өттү. Жыйынтыгында 6 партия утуп чыкканын аймактык шайлоо комиссиясынын төрагасы Жолчубек Бекболиев “Азаттыкка” билдирди. Анын билдирүүсүндө, КСДП, “Замандаш”, “Бирге”, Бир Бол, “Ата-Мекен”, “Өнүгүү” партиялары 7 пайыздык чектен өтө алышты. Токтогул шаардык кеңешиндеги 21 мандат үчүн 11 партия ат салышкан. 8 миңден ашык шайлоочунун 63,1% келип добуш берди. (RsK)
