Бул тууралуу Кыргызстандын Орусиядагы элчилигинен кабарлашты. Маалыматка ылайык, 9-апрелде Калуга облусунун аймагында 22 жаштагы кыргыз жараны айдап келаткан “Хонда” үлгүсүндөгү автоунаа кырсыкка учурап, 5 адам мерт болгон. Алардын экөө кыргызстандык жана үч адам Өзбекстандын жарандары болгон. Кырсыкка айдоочунун унааны башкара албай калганы себеп болгон. Мерт кеткен кыргызстандыктардын сөөгү мекенине жеткирилди. Буга чейин айрым маалымат каражаттары бул жол кырсыгынан 6 кыргызстандык каза тапканын жазып чыккан.(BkA)
