Чибок шаарындагы орто мектепте окуган 100дөн ашык кызды исламчыл козголоңчулар уурдап кеткендиги болжолдонууда. Коопсуздук кызматтары билдиргендей, куралчандар мектептен кыздарды 14-апрелде алып кеткен. Нигериянын түндүк-чыгышындагы барымтага алууну бул аймакта мектептерге көп кол салган "Боко Харам" тобу ишке ашыргандыгы кабарланууда. Бул күнү баш калаа Абуджада автобекетте бомба жарылып, 70тен ашык кишинин каны төгүлгөн кол салуу үчүн да "Боко Харам" шектелүүдө.
