Ош шаарынын борбордук базары 2010-жылдагы июнь окуясынан бери өзүнө келе албай жатат. Базардын бир бөлүгү иштеп атканы менен эт, жашылча, дан жана шириндик базарлары иштей албай келет. Ошол эле учурда Борбордук базардын эки капталынан өткөн Кара-Суу жана Ленин көчөлөрү кадимкидей базарга айланып кеткен эле. 22-апрелде Ош шаардык мэриясы жол боюндагы башаламан соода жайларын 2010-жылдан бери иштебей жаткан борбордук базарга көчүрдү.