Түштүк Кореяда кыйраган кемеде өлгөндөрдүн саны жүздөн ашты

Соңку маалымат боюнча, өткөн аптада деңизге чөккөн «Севол» кемесиндеги 104 кишинин өмүрү кыйылганы тастыкталды. Дагы 200 кишинин тагдыры белгисиз, алардын көпчүлүгү окуучулар. 174 кишини кырсыктан куткарып калууга мүмкүн болду. Аман калгандардын арасында кеменин капитаны жана экипаж мүчөлөрү бар, алар шалаакылык жана башка бир нече берене боюнча айыпталып азыр камакта.

Өлкө президенти Пак Кын Хе дүйшөмбүдө кеменин экипажынын аракеттерин «адам өлтүрүүгө» теңеди.