Жон Керри Орусия жана Украина менен телефон аркылуу сүйлөштү

Орусиянын тышкы иштер министри Сергей Лавров менен 22-апрелдеги телефон аркылуу сүйлөшүүдө АКШнын мамлекеттик катчысы Женева келишимин аткаруу маселесин көтөргөн. Керри чыгыш Украинада кырдаалды жөнгөрүүдөн Орусиянын баш тартуусуна тынчсыздануусун билдирген. Ал ошондой эле Москваны Орусияга ыктаган күчтөрдү куралдарын таштап, мунапыс алууга көндүрүүгө үндөгөн. Украин өкмөт башчысы Арсений Яценюк менен сүйлөшүүдө Жон Керри Киевдин Женева келишимин аткаруу максатында мунапыс жарыялашын, ЕККУнун мониторинг жүргүзүү миссиясы менен кызматташуусун кубаттаган. (AiT)