Ош шаарында таза суу берүү убактылуу токтотулат

Оңдоп-түзөө иштерине байланыштуу Ош шаарына 24-25-апрель күндөрү таза суу берилбейт. Бул тууралуу шаардык “Сууканал” башкармалыгы билдирди. Суу токтой турганы тууралуу калаа тургундарына эскертилген.

Жыл сайын күз жана жаз айларында шаарда таза суу өчүрүлүп, эки күндүк ремонт жүргүзүлөт.

Өзбекстандан газ келбей калганына байланыштуу Ош шаарына 15-апрелден бери көгүлтүр от берилбейт. Жашоочулар айрым райондордо электр энергиясы да тез-тез өчүрүлүп жатканын айтышууда. (SE)