Быйылкы жылы Кыргызстандын коргонуу жана коопсуздук тармагына кошумча 238 миллион сом бөлүндү. Бул тууралуу бүгүн парламентте маалымат берип жатып каржы министри Ольга Лаврова билдирди. Анын айтымында, бул акча Чек ара кызматынын өздүк курамынын айлыгын көбөйтүүгө, жоокерлердин кийим-кече жана тамак ашына каралууда. Ошондой эле Өзбекстан жана Тажикстан менен чек араны тактоо, бекемдөөгө байланыштуу кошумча чыгымдарга да каражат жумшалат.
