Ысык-Көлдө кара тумоого каршы эмдөө жүрүп жатат

Ысык-Көл облусунун Жети-Өгүз, Тоң жана Ак-Суу райондорунун кара тумоо чыгышы мүмкүн деп эсептелген аймактарында жайлоого кетип жаткан тургундар эмделүүдө. Бул тууралуу "Азаттыкка" облустук оорукананын Карантиндик жана өтө кооптуу илдеттер бөлүмүнүн башчысы Равшан Маймулов билдирди. Анын айтымында, бүгүнкү күндө 2 миңге жакын киши эмделди. Июнь айында атайын топ кара тумоонун табигый очогу бар жерлерге дуст чачып келет.

Былтыр Ак-Сууда 15 жаштагы өспүрүм кара тумоодон каза тапкан. (MK)