Бишкек шаарындагы №9 орто мектепте "рэкетчилик кылды" деп айыпталган балдардын ата-энелерине айыппул салынды. Ошондой эле мектеп жетекчилигине эскертүү берилди. Башкы прокуратуранын маалыматына ылайык, аталган мектептин деректири, Бишкек шаардык кеңештин депутаты Валентина Лисниченко ушул жылдын башында рэкетчилик боюнча чара көрүүгө милдеттендирилген. Бирок мектеп жетекчилиги тартип коргоо органдарына кайрылбаганы, жетиштүү чара көрбөгөнү аныкталган.
Күч органдарынын маалыматына ылайык, Кыргызстанда соңку учурда өспүрүмдөрдүн кылмышка аралашуусу күчөп, айрыкча мектептердеги рэкет көбөйүп жатат. (KE)
Күч органдарынын маалыматына ылайык, Кыргызстанда соңку учурда өспүрүмдөрдүн кылмышка аралашуусу күчөп, айрыкча мектептердеги рэкет көбөйүп жатат. (KE)
