29-апрелде митингчилер Украинанын чыгышындагы Луганск облусунун облустук администрация, прокуратура, полиция жана жергиликтүү телеборбордун имаратын ээлеп алышты. Полиция имаратын басып алуу учурунда ок атуулар болду. Украинанын президентинин милдетин аткаруучу Александр Турчинов Луганск жана Донецк облустарынын полиция башчыларын кызматтан алуу талабын койду. Ал полиция башчылары аракетке жөндөмсүз болгонун жана бул чыккынчылыкка тете экенин белгилеген. (AiT)
