Бишкекте кыргыз-орус энергетикалык долбоорлор талкууланат

Орусиялык “Интер РАО ЕЭС” ишканасынын жетекчилиги Бишкекке келип эки тараптуу энергетикалык долбоорлорду талкуулайт. Бул туурасында “Азаттыкка” Москвада иш сапарда жүргөн энергетика жана өнөр жай министри Осмонбек Артыкбаев билдирди.

Анын айтымында, Москвадагы жолугушууларда Камбар-Ата-2 ГЭСинин экинчи агрегаты үчүн керек болгон 100 миллион долларды Евразиялык банктын антикризистик фондунан бөлүп берүү маселеси оң жагына чечилди.(AzK)