Эл аралык валюта корунун Орусиядагы миссиясынын башчысы Антонио Спилимбергонун 30-апрелде Москвада маалымат жыйынында билдирүүсүнө караганда, орус экономикасы капиталдын сыртка агып кетүүсүнөн жабыр тартууда. Эл аралык валюта кору орус экономикасы быйылкы жылы 1.3% өсөрүн болжоп жаткан, эми ал 0.2% гана өсөрүн күтүүдө. Ал эми сыртка агылган капиталдын көлөмү быйыл 100 млрд. долларга жетет. Спилимберго Украина жана Крымга байланыштуу Орусияга киргизилген санкциялар экономикага терс таасирин тийгизе баштады деп эсептейт. (AiT)