Украина чыгышында буктурмага кабылып жети аскер өлдү

Коргоо министринин билдирүүсүнө караганда, Украинанын бронетехникаларынын колоннасына Краматорск шаарына жакын жерде 13-майда отуздай жикчил кол салган. Алар гранатомет жана автомат колдонгон.

Кол салууда жети аскер өлүп, сегизи жарадар болду. Бул Украинанын чыгышында антитеррордук деп аталган операция башталгандан бери өкмөттүк аскерлердин эң ири жоготуусу болуп калды. Краматорскидеги жоготууга чейин украин аскерлери жалпысынан тогуз жоокерден ажыраган эле. (AiT)