Кендеги кырсык Түркияда нааразылык жаратты

Анкара жана Стамбул шаарында өкмөткө жана көмүр кенинин ээлерине каршы нааразылык акцияларына чыккандарга полиция көздөн жаш агызчу газ колдонду. Түркиянын Сома шаарында жайгашкан көмүр кениндеги 13-майдагы жарылуудан кеминде 245 кенчи каза тапты. 450 киши куткарылды. Кырсык болгон жерге түрк өкмөт башчысы Режеп Тайип Эрдоган келди. Жакындары каза болгон жарандар өкмөт башчыга нааразылыгын билдиргени кабарланды. (AiT)