Линктер

ЧУКУЛ КАБАР!
26-Февраль, 2021 жума, Бишкек убактысы 11:11

Жумгалда жоголгон милиционердин сөөгү суудан табылды


Нарындын Жумгал районунун сотундагы кол салуудан соң дайынсыз кеткен милиция кызматкери Рустам Токтогуловдун сөөгү Жумгал суусунан табылды. Бул тууралуу бүгүн Ички иштер министрлигинен кабарлашты. Маалыматка ылайык, кечээ кечинде райондогу Беш-Арал айылынын тушунан агып өткөн Жумгал суусунан белгисиз адамдын сөөгү табылган. Бүгүн бул сөөктү быйыл февралдан бери дайынсыз болуп жаткан Токтогуловдун сөөгү экенин туугандары таанышты.

Былтыр Кара-Кече көмүр кенинде каза тапкан Айбек Мамбеталиевдин өлүмүнө Рустам Токтогулов баш болгон үч милиционер айыпталган. 20-февралда маркумдун жакындары Жумгал райондук сотунун залында аларга бензин чачып, өрттөгөнгө аракет кылган. Бул кол салуудан качып баратып Токтогуловдун Жумгал суусуна түшүп кеткени айтылып, бирок куткаруучулар анын сөөгүн таппай жатышкан. Окуя боюнча кылмыш иш козголуп, 10 адам камакка алынган болчу.(BkA)

Пикирлерди көрүңүз (2)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG