Азербайжан Арменияны ок атышпоо келишимин бузгандыгы үчүн айыптады. Коргоо министрлиги 22-майдагы билдирүүсүндө белгилегендей, түн ичинде армениялык аскерлер Тоолуу Карабактын жанындагы Физули районунда Азербайжандын турумдарына чабуул койгондо 3 аскер жарадар болду.
Ал эми жикчил аймактын Коргоо министрлиги куралдуу күчтөр Азербайжан армиясынын “диверсанттарынын” кирип келүүсүн алдын алууга аракеттенишкенин билдирди.
21-майда Тоолуу Карабактын жикчил бийлиги Азербайжандын күчтөрү алардын бир жоокерин атып кетишкенин айткан. Баку болсо бул дооматты четке кагууда.
Азербайжан менен Армения жылдардан бери Тоолуу Карабак боюнча касташып келатат. 1990-жылдардын башындагы согуш учурунда Азербайжандын аймагын Армения колдогон жикчилер ээлеп алышкан.
Ал эми жикчил аймактын Коргоо министрлиги куралдуу күчтөр Азербайжан армиясынын “диверсанттарынын” кирип келүүсүн алдын алууга аракеттенишкенин билдирди.
21-майда Тоолуу Карабактын жикчил бийлиги Азербайжандын күчтөрү алардын бир жоокерин атып кетишкенин айткан. Баку болсо бул дооматты четке кагууда.
Азербайжан менен Армения жылдардан бери Тоолуу Карабак боюнча касташып келатат. 1990-жылдардын башындагы согуш учурунда Азербайжандын аймагын Армения колдогон жикчилер ээлеп алышкан.
