“Манас” университети боюнча келишим күчүнө кирди

Президент Алмазбек Атамбаев Кыргыз-Түрк “Манас” университетинин иши жөнүндөгү келишимди ратификациялоо мыйзамына кол койду. Бул тууралуу президенттин маалымат кызматынан 26-майда кабарлашты. Келишимге 2011-жылы Анкарада кол коюлган. Ал быйыл апрель айында Жогорку Кеңеште ратификацияланган.

Келишим Жогорку Кеңеште бир катар талаш-тартыш жараткан. Анткени жаңы келишимге ылайык, университеттин ректору жана камкордук көрүү кеңешинин төрагасы мындан ары түрк тараптан дайындалат. (AiT)